Gŵyl Gwanwyn 2023: Dathlu creadigedd byd natur, a natur creadigedd ymhlith pobl hŷn

Gŵyl genedlaethol yw Gwanwyn sy'n cael ei chynnal ledled Cymru drwy gydol mis Mai bob blwyddyn, sy'n arddangos creadigedd ymhlith pobl hŷn. Ers 2007, mae'r ŵyl wedi gweithio gydag artistiaid a sefydliadau o bob maint i hyrwyddo ystod eang o weithgareddau artistig a chreadigol, o stand-yp i wnïo, ac o Bollywood i glybiau llyfrau.

Mae'r ŵyl yn darparu cyfleoedd i bobl hŷn gymryd rhan mewn gweithgareddau celfyddydol a chreadigol, naill ai fel ymarferwyr, trefnwyr neu fel aelodau o'r gynulleidfa. Mae hefyd yn helpu pobl hŷn i gydnabod y manteision y gall bod yn greadigol eu cynnig i'w hiechyd a'u lles.

Thema'r ŵyl eleni yw Natur. I lawer ohonom, mae byw gyda'r pandemig yn ystod y blynyddoedd diwethaf wedi ein helpu i werthfawrogi'r byd naturiol o'n cwmpas wrth i ni fynd am dro bob dydd, a chwrdd yn gymdeithasol y tu allan. Cydnabyddir yn eang hefyd fod bod yng nghanol byd natur yn cael effaith gadarnhaol ar ein lles corfforol a meddyliol.

Meddai Kelly Barr, cydlynydd yr ŵyl, "Rydym am ddathlu sut mae natur yn ysbrydoli creadigrwydd nid yn unig yn yr ardd a'r gegin ond ym mhob rhan o'n bywydau, o ddylunio gerddi i dyfu pig y crëyr, a grilio ein cynnyrch ein hunain, yn ogystal â gweithgareddau creadigol mwy traddodiadol.

"Rhan o nod Gwanwyn yw herio stereoteipiau o heneiddio a phobl hŷn a thynnu sylw at weithgareddau, digwyddiadau, artistiaid a grwpiau sy'n cynrychioli amrywiaeth profiadau pobl hŷn ledled Cymru."

I gael y newyddion diweddaraf a darganfod sut y gallwch gymryd rhan yng Ngŵyl Gwanwyn, ymunwch â'n rhestr e-bost. E-bostiwch gwanwyn@agecymru.org.uk, ffoniwch 029 2043 1576 neu ewch i www.agecymru.org.uk/gwanwyn.

Rhai o'r prif ddigwyddiadau yn ystod 2023

Corau er daioni, trwy gydol mis Mai

Mae Corau er Daioni yn rhwydwaith o gorau lles cymunedol sy'n bodoli i hyrwyddo pwysigrwydd a manteision canu cymunedol, nid yn unig ar gyfer lles corfforol a meddyliol unigolyn, ond hefyd sut y gall corau uno pobl a'u galluogi i gyfrannu at eu cymunedau lleol.

Am fwy o wybodaeth ewch i www.choirsforgood.com/book-a-session,  e-bostiwch hello@choirsforgood.com, neu ffoniwch 07897 000724.

Corau er daioni

Mostyn: Document / Dogfennu, dydd Mawrth i ddydd Sadwrn drwy gydol mis Mai

Mae Document / Dogfennu yn dwyn ynghyd ddetholiad o artistiaid a gwneuthurwyr crefftau o Gymru a thu hwnt.  Yn eu gwaith, maent yn cofnodi, myfyrio ac ymateb i’w hamgylchedd, y byd o’u cwmpas a diwylliant poblogaidd. 

Maent yn defnyddio ysgrifen, symbolau ac eiconau i wneud marciau a phatrymau, a ffyrdd creadigol o ddefnyddio deunyddiau ac adnoddau dychmygol.  Mae pob darn yn adlewyrchu'r artist wnaeth greu’r gwaith.

Am fwy o wybodaeth cysylltwch â Mostyn Cymru | Wales ar 01492 879201, ewch i mostyn .org, neu e-bostiwch post@mostyn.org.

Oriel Bevan Jones Gallery, Caerfyrddin: Nigel Mason drwy'r Gwydr, o ddydd Mawrth i ddydd Sadwrn drwy gydol mis Mai

Casgliad syfrdanol o wydr wedi'i doddi a'i blygu gan Nigel Mason. Mae Nigel yn cael ei ysbrydoli gan y patrymau naturiol o fewn byd natur, yn enwedig symudiad y môr a'r siapiau a'r gweadau anhygoel a grëwyd. Meddai Nigel "Yn ogystal â bod yn artist gwydr, rydw i hefyd yn gerddor sy'n chwarae cerddoriaeth werin a cherddoriaeth y byd ar amrywiaeth o offerynnau. Rwy'n teimlo bod creu gwydr yn therapiwtig iawn ac yn ffordd wych o ymlacio."

Am fwy o wybodaeth anfonwch neges e-bost eiryl@acgc.co.uk,  ffoniwch 01267 243815, neu ewch i www.orielbevanjonesgallery.co.uk

#CrowdCymru – Ar-lein, drwy gydol mis Mai

Mae #CrowdCymru yn cael ei ariannu gan Gronfa Dreftadaeth y Loteri Genedlaethol ac yn cael ei gynnal ar y cyd gan Archifau Gwent, Archifau Morgannwg, a Chasgliadau Arbennig ac Archifau Prifysgol Caerdydd.
 
Mae'n brosiect peilot gwirfoddol yn ymwneud ag archifau digidol, mae popeth y mae eu gwirfoddolwyr yn ei wneud ar-lein ar blatfform dwyieithog a digidol, torfol. Mae'r platfform hwn, a sefydlwyd gan Lyfrgell Genedlaethol Cymru, yn caniatáu i wirfoddolwyr o unrhyw le yn y byd (os oes ganddynt fynediad i’r we / dyfais ar-lein) i weithio ar y casgliadau digidol y mae partneriaid y prosiect yn eu darparu. 

Gall cyfranogwyr drawsgrifio dogfennau neu dagio ffotograffau i ni i gyd o gysur eu cartrefi eu hun.   Mae gan wasanaethau archifau ledled Cymru filiynau o gofnodion na ellir eu hadfer, ond dim ond ychydig iawn sydd wedi'u catalogio ac felly mae’n anodd eu hadnabod a dod o hyd iddynt.

Bydd y prosiect hwn yn harneisio gwybodaeth unigolion mewn cymunedau ledled Cymru a thu hwnt i gyfoethogi ein treftadaeth gyfunol er budd cenedlaethau'r presennol a'r dyfodol - yn lleol, yn genedlaethol ac yn fyd-eang.   

Am fwy o wybodaeth anfonwch neges e-bost at jennifer.evans@gwentarchives.gov.uk,  ffoniwch 01495 742450, neu ewch i www.gwentarchives.gov.uk/ên/partnership-and-projects/crowdcymru/