Byddwch yn ddiogel yn ystod Gŵyl Calan Gaeaf

Byddwch yn ddiogel yn ystod Gŵyl Calan Gaeaf

Mae Calan Gaeaf yn medru bod yn llawer o hwyl, ac mae plant wrth eu bodd yn casglu losin a galw “cast ynteu geiniog” ar stepen y drws.  Ond i rai, mae Calan Gaeaf yn medru bod yn gyfnod anodd, yn enwedig os ydyn nhw’n byw ar eu pen eu hun ac yn ofni clywed cloch y drws wedi iddi nosi.

Dylai pawb deimlo’n ddiogel yn eu cartrefi eu hun, felly mae gan Age Cymru syniadau am sut i fwynhau’r dathliadau.

Os ydych chi’n poeni am noson Calan Gaeaf, ewch ati i wahodd ffrind neu anwylyn i dreulio’r prynhawn gyda chi fel bod gennych chi gwmni wrth iddi nosi.  Cofiwch gysylltu cadwyn y drws, ac edrychwch drwy’r ffenest i weld pwy sydd yno cyn agor y drws.  Byddwch yn arbennig o ofalus os oes mwy nag un person wrth y drws.  

Peidiwch agor y drws os nad ydych chi’n teimlo’n ddiogel.  Os nad ydych chi’n siŵr, peidiwch ag agor y drws.

Os ydych chi allan yn galw “cast ynteu geiniog”, cofiwch na fydd pawb eisiau ymuno â’r hwyl.  Edrychwch i weld os oes pwmpen tu allan i’r tŷ, mae hynny’n arwydd da bod y bobl tu fewn yn hapus i’ch croesawu.

Peidiwch wneud gormod o sŵn wrth iddi nosi.  Os nad oes rhywun yn ateb y drws i chi, symudwch ymlaen i’r tŷ nesaf.  Peidiwch â pharhau i guro’r drws a chanu’r gloch.

Mae Calan Gaeaf yn gyfle gwych i bobl hŷn gysylltu â’r gymuned a mwynhau cwmni pobl eraill yn ystod y misoedd tywyll.  Os ydych chi’n cynnal digwyddiad, beth am wahodd eich cymdogion hŷn?

Mwynhewch y dathliadau, ond byddwch yn ddiogel.

Diwedd