Credyd Cynhwysol
Os ydych chi heb waith neu rydych chi’n derbyn incwm isel, efallai y gallwch hawlio Credyd Cynhwysol i ychwanegu at yr arian rydych eisoes yn ei ennill.
Beth yw Credyd Cynhwysol?
Mae Credyd Cynhwysol yn fudd-dal sydd yn dibynnu ar brawf modd. Mae wedi ei gyflwyno'n genedlaethol ers Rhagfyr 2018. Yn y pen draw, bydd yn disodli'r buddion 'etifeddiaeth' a restrir isod drwy symud y bobl sydd eisoes yn ei hawlio, fel eu bod yn derbyn credyd cynhwysol:
- Lwfans Ceisio Gwaith yn seiliedig ar Incwm
- Lwfans Cyflogaeth a Chymorth sy'n gysylltiedig ag Incwm
- Budd-dal Tai
- Cymorth Incwm
- Credyd Treth Gwaith
- Credyd Treth Plant
O ydych yn derbyn y budd-daliadau hyn ar hyn o bryd, byddwch yn parhau i dderbyn taliadau fel arfer am y tro. Bydd eich swyddfa Canolfan Byd Gwaith lleol neu Gredydau Treth yn rhoi gwybod i chi pryd y bydd eich budd-dal yn cael ei newid i Gredyd Cynhwysol.
Ydw i'n gymwys ar gyfer derbyn Credyd Cynhwysol?
I hawlio Credyd Cynhwysol, rhaid i chi:
- fod o dan oedran Pensiwn y Wladwriaeth
- dderbyn incwm isel
- Fod ag arbedion yn is na £16,000
- dderbyn 'Ymrwymiad Hawlydd'.
Ni allwch dderbyn Credyd Cynhwysol os ydych eisoes yn derbyn budd-daliadau penodol, megis Cymhorthdal Incwm, Lwfans Ceisio Gwaith yn seiliedig ar incwm, neu Lwfans Cyflogaeth a Chymorth sy'n gysylltiedig ag incwm. Os ydych chi'n hawlio'r budd-daliadau hyn, byddwch yn cael eich symud i'r system Credyd Cynhwysol yn y dyfodol.
Os ydych chi’n un o bâr o oedran cymysg, sy'n golygu bod un person yn uwch nag oedran Pensiwn y Wladwriaeth a bod y llall yn is, bydd angen i chi hawlio Credyd Cynhwysol yn hytrach na Chredyd Pensiwn. Os ydych chi’n un o bâr o oedran cymysg ac eisoes yn derbyn Credyd Pensiwn, gallwch barhau i wneud hynny cyhyd ag y bydd gennych hawl i'w dderbyn.
Os nad ydych yn siŵr pryd fyddwch yn cyrraedd oedran Pensiwn y Wladwriaeth, gallwch ddod o hyd i'r wybodaeth ar wefan GOV.UK.
Sut ydw i'n hawlio Credyd Cynhwysol?
Llenwch y ffurflen hawlio ar-lein ar GOV.UK
Beth sy'n digwydd nesaf?
Bydd cyfweliad wyneb yn wyneb yn digwydd wedi i chi gwblhau cais. Bydd y cyfweliad gyda hyfforddwr gwaith yn eich Canolfan Byd Gwaith lleol.
Yn ystod eich cyfweliad, bydd yn rhaid i chi gytuno i rai amodau, o'r enw 'Ymrwymiad Hawlydd'. Mae hyn yn nodi'r hyn sy'n rhaid i chi ei wneud er mwyn derbyn Credyd Cynhwysol. Yn aml mae'n cynnwys gwneud cynllun ar gyfer chwilio am swydd. Bydd hyn yn eich helpu i ddychwelyd i'r gwaith neu ennill mwy o incwm.
Bydd yr amodau hyn yn dibynnu ar eich iechyd, eich cyfrifoldebau, a'ch amgylchiadau. Os nad ydych yn cytuno i'r amodau, efallai y bydd eich budd-dal yn cael ei leihau neu ei stopio.
Angen help?
Os byddwch angen help i lenwi'r ffurflen neu os oes gennych unrhyw gwestiynau, ffoniwch y llinell gymorth Credyd Cynhwysol ar 0800 328 5644 (neu ar gyfer ffôn testun cysylltwch â 0800 328 1344).
Mae mwy o fanylion ar ein taflen ffeithiau a'n canllaw gwybodaeth (mae'r taflenni ffeithiau'n cynnwys mwy o wybodaeth fanwl):
Pa arian ychwanegol sydd gennych hawl to?