Gwanwyn
Ysgogwyr Newid
Rydym wrth ein bodd i gyflwyno'r portreadau hyn o bobl hŷn yng Nghymru sydd wedi herio stereoteipiau am heneiddio gan wneud cyfraniad sylweddol i ddiwylliant Cymru.
Gan Jon Pountney.
Daeth Anita Worthing i redeg rasys dros bellteroedd mawr yn ddiweddarach yn ei bywyd ond mae wedi gweithio'n ddiflino i godi arian i elusennau trwy ei hymdrechion. Mae hi hefyd yn angerddol am gefnogi eraill yn eu teithiau rhedeg.
Mae Syr Karl Jenkins yn un o'r cyfansoddwyr byw y perfformir ei waith fwyaf ar draws y byd. Mae ganddo 17 o ddisgiau aur a phlatinwm ac fe’i hetholwyd yn Gymrawd Anrhydeddus o Gymdeithas Ddysgedig Cymru yn 2022.
Dechreuodd Mark Drakeford AS ei yrfa yn y trydydd sector, cyn dod yn Athro Polisi Cymdeithasol a Gwyddorau Cymdeithasol Cymhwysol ym Mhrifysgol Caerdydd. Arweiniodd gyrfa 40 mlynedd fel Cynghorydd Llafur, aelod Cabinet a gweithio yn swyddfa’r Prif Weinidog at ei benodi’n Brif Weinidog ar 12 Rhagfyr 2018. Tynnwyd y lluniau hyn cyn iddo gael ei benodi i'r cabinet newydd.
Mae Mary Lloyd Jones yn un o artistiaid gweledol mwyaf poblogaidd a sefydledig Cymru, gan gyfuno ei diddordeb mewn diwylliannau ac ieithoedd hynafol â thirwedd. Mae hi wedi bod yn arddangos ei gwaith ledled Cymru ac yn rhyngwladol ers 1960.
Genetegydd arloesol yw Meena Upadhyaya. Mae hi wedi ennill sawl gwobr, ac mae hi’n frwdfrydig am gefnogi menywod o gymunedau ethnig lleiafrifol yng Nghymru.
Mae cariad Pete Newman at gerddoriaeth wedi bod yn allweddol yn natblygiad gorsaf Radio Cymunedol Blaenau Gwent, gan ddarparu llwyfan i amrywiaeth eang o ddiddanwyr. “Better Late & Clever”, yw podlediad fideo Pete sy’n ymroddedig i gofnodi profiadau anhygoel pobl hŷn.
Gall William Thomas honni bod ganddo un o’r wynebau mwyaf adnabyddus yng Nghymru, diolch i yrfa actio lwyddiannus sydd wedi parhau ers dros 50 mlynedd, gan ymddangos yn Doctor Who, Torchwood, Pobol y Cwm, a Hinterland/Y Gwyll.
Ym mis Awst, cynhaliodd Cymdeithas Bêl-droed Cyn-filwyr Cymru 24 Cymru, 5ed twrnamaint pêl-droed rhyngwladol mwyaf y byd ar gyfer chwaraewyr dros 70 oed. Cofnododd tîm dros 70 Cymru 4 buddugoliaeth a gêm gyfartal, gan fynd ymlaen i gipio’r tlws.
Hoffwn ddarganfod eich hoff ysgogwyr newid. Ydych chi’n nabod rhywun dros 50 oed sydd wedi gwneud gwahaniaeth i chi, yn lleol, neu yng Nghymru? Beth am eu henwebu nhw a disgrifio sut maen nhw wedi gwneud gwahaniaeth.
Mae Geunor Roberts yn berson llawn egni, yn arweinydd parti canu, yn feirniad cenedlaethol ac yn Llywydd Cenedlaethol ar Ferched y Wawr. Er ei bod yn dioddef o arthritis nid yw hyn yn ei rhwystro rhag teithio Cymru a chyflawni cymaint yn gymunedol.
Sut ydw i’n enwebu ysgogwr newid?
Lawrlwythwch a chwblhewch y ffurflen isod. Bydd hyn yn sicrhau bod gennym yr holl wybodaeth sydd ei angen arnom. Bydd angen i chi anfon llun o’r person rydych chi’n enwebu. Sicrhewch fod gennych chi ganiatâd y person cyn anfon eu llun. Os ydych chi’n anfon y llun drwy e-bost, sicrhewch ei fod ar ffurf jpeg neu png. Os ydych chi’n anfon eich llun drwy’r post, sicrhewch eich bod chi’n cynnwys y ffurflen enwebu.
Anfonwch eich ffurflen enwebu a’ch llun drwy e-bostio gwanwyn@agecymru.org.uk , neu postiwch y cyfan at
Age Cymru
Prosiect Ysgogwyr Newid
Tŷ’r Mariners
Llys Trident
Ffordd Ddwyrain Moors
Caerdydd, CF24 5TD
Sicrhewch eich bod chi’n cynnwys llun pan rydych chi’n cyflwyno’r cais hwn. Yn anffodus, ni fyddwn yn medru dychwelyd unrhyw luniau sy’n cael eu hanfon atom.
Gŵyl Gwanwyn 2024 : Dathlu 'newid'. Newidiadau o bob math, a sut mae newid yn ein hysbrydoli ni i fod yn greadigol wrth i ni heneiddio.
Mae Gwanwyn yn ŵyl genedlaethol sy'n digwydd drwy gydol mis Mai bob blwyddyn, a'i nod yw arddangos creadigedd pobl hŷn. Ers 2007, mae Gwanwyn wedi gweithio gydag artistiaid a sefydliadau o bob math er mwyn hyrwyddo amrywiaeth o weithgareddau creadigol yn cynnwys comedi, gwnïo, Bollywood a chlybiau llyfrau.
Mae Gŵyl Gwanwyn yn gyfle i bobl hŷn fod yn greadigol fel ymarferwyr, trefnwyr, neu aelodau o gynulleidfa. Mae Gŵyl Gwanwyn yn helpu pobl hŷn i ddeall sut allant elwa drwy fod yn greadigol yn gorfforol ac yn feddyliol.
Y thema ym mis Mai 2024 yw 'newid'. Mae pobl hŷn sy'n sbarduno newidiadau diwylliannol yn ein hysbrydoli, a hoffwn wybod beth mae newid yn ei olygu i chi.
Fel rhan o Ŵyl Gwanwyn, rydyn ni’n arddangos pobl hŷn sydd wedi herio stereoteipiau heneiddio, neu sydd ar flaen y gad yn eu meysydd.
I gael y newyddion diweddaraf am Ŵyl Gwanwyn, ac i ddarganfod sut allwch chi fod yn rhan o’r Ŵyl, ymunwch â’r rhestr bostio drwy e-bostio gwanwyn@agecymru.org.uk
